Бөлүмдөр
Жекшемби, 20-январь
Ысык-Көл облусуАк-Суу району 23.10.2018 14:56 На русском

Ак-Сууда мыкты кайнаталар аныкталды (сүрөт)

Turmush -  Ак-Суу районунун Маман айылында «Мыкты кайната» аталышындагы сынак өттү. Бул тууралуу уюштуруучулар аймактык кабарчыга билдирди.

Алардын айтымында, сынакка айылдагы кадыр-барктуу, үлгүлүү аталар активдүү катышты. Алардын арасында небере келиндери менен кошо катышкан карыялар да бар.

«Катышуучулар алгач саламдашып, андан кийин кыргыздын нукура, тарбиялык мааниси зор макал-лакаптарын айтып жарышышты. Ошондой эле сүрөттөргө кызыктуу ат коюп, ала качуу жана мажбурлап эрте турмуш курууга каршы сахналаштырылган чыгарма аткарып беришти. Суроолорго жооп берип, жаштарга акыл-наасаттарын айтышты. Сынактын жыйынтыгында өз өнөрлөрүн тартуулашты», - деди уюштуруучу.

Иш-чара муундар аралык биримдикти чыңдоо максатында уюштурулду.

Сынактын жеңүүчүлөрү:

Мыкты кайната —70 жаштагы Кыдык Сатылганов, 3 бала, 7 небереси бар;

Акылман кайната — 67 жаштагы Кыдыргазы Абдрахманов, 6 бала, 7 небереси бар;

Үлгүлүү кайната — 63 жаштагы Жумабек Өмүралиев, 5 бала, 6 небереси бар;

Шайыр кайната — 62 жаштагы Мелис Осмоналиев, 5 бала, 12 небереси бар.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×