Бөлүмдөр
Жекшемби, 22-июль
Ысык-Көл

Ак-Суунун Кереге-Таш айылында улуттук баалуулуктар даңазаланды (фото)

Turmush -  Ак-Суу районунун Кереге-Таш айылындагы Ж.Алышбаев атындагы орто мектебинде «Тарбиялоонун азыгы – улуттун маданий казынасында» темасында облустук семинар болуп өттү. Бул тууралуу аймактык кабарчы билдирди.

Аталган семинарга өкмөттүн облустагы өкүлчүлүгүнүн өкүлдөр, акимдердин орун басарлары, вице-мэрлер, шаардык жана райондук билим берүү бөлүмдөрүнүн жетекчилери жана мектеп директорлору катышты. Семинарда «Биздин мектеп», «Кыргыздын материалдык маданияты» аталышындагы презентациялар көрсөтүлүп, 2-7-класстын окуучуларына музыка сабагынан «Кыргыздын улуттук аспаптары», 4-класска адеп сабагынан «Бешикке бала салуу», 9-класска «Кыдыр аке журт атасы», 6-класска англис тили сабагынан «Кыргызстан» деген темаларда ачык сааттар өткөрүлдү.

Ал эми класстан тышкаркы саатта «Бий көрктүү болуш үчүн» деген темада көнүгүүлөр аткарылып, 11-класстын окуучуларына кыргыз адабияты сабагынан «Манас насааты – турмуш сабагы» өткөрүлдү. Семинардын аягында конокторга атайын даярдалган чакан концерт көрсөтүлдү.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1644
Комментарии
Для добавления комментария необходимо быть нашим подписчиком
Көп окулду
×