Бөлүмдөр
Шейшемби, 23-октябрь
Ысык-Көл облусуАк-Суу району 09.12.2017 12:36

Теплоключенка айылындагы ички жолдор оңдолуп жатат

Turmush -  Ак-Суу районунун Теплоключенка айылында быйыл мурдагы жылдарга салыштырмалуу көп жол оңдолду. Бул тууралуу Теплоключенка айылынын башчысы Талант Көбөнбаев билдирди.

Анын айтымында, жайында республикалык бюджеттен каржыланып, 4 км жол асфальтталды. Анын 3 км райондун борбору катары Теплоключенка айылында жасалса, 1 чакырымы Лесной айылында жасалган.

«Теплоключенка айылындагы Жаныбеков көчөсүндө 1 км жана Боромбай хан, Спорт көчөсүндө 2 км тилкеге астыңкы катмар жасалган. Жаз келери менен үстүңкү катмарын асфальттап бүтөбүз. Жолдорго жергиликтүү бюджеттен 450 миң сомдун тегерегинде акча каралып, электр мамылары жылдырылды. Жолдун астында темир бетон 9 көпүрө жасалды», - деди ал.

Андан тышкары, ички жолдорго жергиликтүү бюджеттен 2 млн 300 миң сомго шагыл-таштар төшөлдү.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×