Бөлүмдөр
Жекшемби, 22-апрель
Ысык-Көл

Теплоключенкада жаңы 3 жол чырак коюлду

Turmush -  Ак-Суу районунун Теплоключенка айылындагы жолго 3 жол чырак коюлду. Бул тууралуу айыл өкмөт башчысы Талант Көбөнбаев билдирди.

«Кыргыз өкмөтүнүн атайын чыгарган токтомунун негизинде быйыл айылыбызга 3 жол чырак койдук. Өнүктүрүү фонду тарабынан заманбап 2 жол чырагы үчүн 1 миллион 58 миң сом которулуп, Ленин-Кыдыр аке жана Шапак баатыр менен Кыдыр аке көчөлөрүнүн кесилиштерине коюлду. Өз каражатыбыздан 140 миң сом бөлүнүп, дагы 1 жол чырагын койдук.

Бул көчөлөрдөн унаа көп өткөндүктөн жол эрежелерин бузуу фактысы көп болуп келген. Жол чырактардын коюлушу менен жол эрежелерин бузуу фактылары азайып жатат», - деди ал.

Теплоключенкада буга чейин 1 гана эски жол чырак иштеп келген.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1150
Көп окулду
×